ب- اقهات ابن دان ايل.

ما منعرف شي كتير عن اقهات. الملحمي يتقولو بطل. منعرف عنو انو بيحب الصيد، وانو عنت شتهت قوسو هدية كاشر- وخاسس، بس ما هداها ياه، وعرضت عليه الخلود وما قبل انو يسمعلا. بالعكس تحدّاها بقولو انو رح يموت مثل الكل. وغضبت عنت وهدّدت بانا رح ترميه "ع الارض تحت اجريا" وتصرعو ازا "ضل يتكبّر".

وبعد هيك بتبعتلو خادما يطفان لياخد منو القوس والنبال بس بيقتلو بالغلط. بيبكو عليه الكل: اهلو واختو وخصوصن الالها عنت اللي بتوعد بانا تريجعو للحياة.

دانيّي مرت دان ايل

دنتيّي مزكورا كـ ست بيت عمتجهز ولايم لضيفن فتاح- كاشر- وخاسس الملك الكنعاني المعيّن سيد ع مصر.

فغت بنت دايل اول عالمة فلك:

بيظهر انو فغت بنت دان ايل كانت فلكيي. بينعتا بيا بانا عارفي بمسالك الكواكب، وهـ الشي بيعني انو عندا المام بهـ العلم الرح يتفجر هو كمن بعصر تور ايل بالاخص ع ايد ماج- زرواستر- زردشت- نمرود ورح يحمل اسم عشتروت أسترني قصدنا نقول: الاسترونومي.

بالقصا، بعدما تتفجع فغت ع خيا اقهات القتلو يطفان، زلمة الست عنت "أو الست"، بتقرر نسأر لـ خيا. وبعدما تطلب بركة بيّا بتتمنطق بخنجر وبتتخفّى تحت زي مستعار وبتروح تفتش عن يطفان.

يمكن تكون فغت اول عالمة فلك بيحكي عنا التاريخ. بس بعد ما لقينالا سميّتا بالميتولوجيات اليونانيي والرومانيي.

المر صاحب الاجمي الحاملي اسمو يمكن يكون بطل مأله.

نزكرت ع اسم المر اجمي، هي اجمة المر. والارجح انو هـ البطل عاطي اسمو لـ سجرة المر البتطيلع سمخ ريحتو عطر وطيّبي. منو قدمو المجوس لـ يسوع هديي لمن خلق. وستعملولو ياه المريمات بالحنوط.

بالميتولوجيات الاغريقيي والرومانيي، البطلي مرا هي أم أدونيس ومعروف عنا انا خلقت بجبل لبنان بيسموا مرات ميرنا ومرات سميرنا . مننتظر مكتشفات ايبلا تنعرف عنا حقايق أهم.

ومعروف عنا انا خلقت بجبل لبنان بيسموا مرات ميرنا ومرات سميرنا. مننتظر مكتشفات ايبلا تنعرف عنا حقايق أهم.

يطفان زلمة "الست":

يطفان هو زلمة الست عنت ومنقزّ أوامر بأخد التار من أقهات ابن دان ايل اللي سترجي يعاندا. بس عرضن بيقتل قهات الكان قصد الست أنا تأدّبو وبس، وبيستاهل غضب فغت وبتقصدو ت تقتلو.

هرجبا بي النسور وصملا أم النسور:

وارد اسمن بمقطع واحد بمناسبة القيام بعمل سحر: دان ايل بيتضرع للبعل بعد موت ابنو اقهات، ت تسقط النسور قدامو وتتكسر جوانحا وقوادما، هادا تيشوف ازا في بأكبادا دهن أو عضم ت يبكي ابنو ويدفنو. البعل بيستجيب ودان ايل بيشق كبد صملا وبيلاقي فيه دهنو عضم، بياخد منن وبيدفن ابنو. بيزكر هـ الشي بعادات وطقوس دفن الموتى، عند كل القمدما اللي اخدوا عن الفينيقيي: بتقضي هـ الطقوس بشق جوف الحيوان لـ استطلاع المستقبل قبل القيام بالاعمال المهمي. (شيبون الغلب هنيبعل لانو كان يتقلّدو ويتقلد القرطاجيي بكل شي، كان يستطلع المستقبل بواسطة أحشاء الحيوانات).

بخصوص هرجبا منتساءل ازا ما كانت ضيعة مرجبا بالمتن حاملي اسم بي النسور.

الكشيرات بنات هلال السنونوات:

يمكن كانو مغنيات بارعين. دان ايل بيعزمن ع بيتو وبيو لمن الولايم مدة اسبوع. بعض العلما ترجمو اسمن "كشرات" بـ "مغنيات". نحن منعتقد انن من اتباع كاشر وخاسس متلما التوريم هن من اتباع تونر. وهيك بيكونو الكشرات بنات حازقين بفنون كاشر. بيتأكدلنا هـ الشي لمن منشوف دان ايل عميولم لكاشر وخاسس الاجا من مصر ت يزورن.

لقب السنونوات يمكن يكون يوحي بفكرة الغناني والفرح. بس الابسط ينقال انو الكشرات هن اتباع كاشر متلما الالوهيم هن اتباع ايل التوريم اتباع تور، الخ. وهـ الشي بيعني انن كانو يتقنو كل الفنون والصنابع الكان يتقنا كاشر الهو فتاح هفيستوس فولكان.

الامير المأله حيلي الهو من ضيوف ايل والرفائيم:

حيلي بطل مأله من أبطال ملحمة الرفائيم الاوغاريتيي بيدعيه ايل ع وليمي لـ الاحتفال بتدشين قصر البعل- هدد، وسكب زيت الحكم ع راسو وتنصيبو ملك. لقبو بملحمة الرفاييم: ز ب ل – م ل ك- ع ل ل م ي" الترجموا بالامير الملك العظم أو الملك العالمي (بس هـ الكان مجهول).

بعدنا ما لقينا الاله المقابل لحيلي بالميتولوجيات الاوروبيي.

منشدد ع الغنى الموجود بملحمة دان ايل، خصوصن بالمقاطع اشعريي الرائعا والحكم المفعمي بنيل الاخلاق بالاخص بالتشديد ع القيامي، وع البقاء بعد الموت.

شخصيات ملحمة دان ايل هي شخصيات اووغاريتيي محضا. بينها وبين باقي شخصيات ملاحمنا انسجان وتناسق تام. ومنتأمل انو نتبين ملامحا بوضوح بعدما تنشر ملاحم ايبلا.