1- أهمية ابيلا بأنا واحدي من أقدم المدن اللي كتشفوا العلما بأنو مكتوباتا بتشكل أقدم وأضخم كنز تاريخي وقعو عليه حتى اليوم.

ولهيك نعدّ اكتشاف ايبلا واحد من أهم الاكتشافات الاركيولوجيي اطلاقن ازا مش الاهم، باعتيار انو رح يسبب اعادة كتيبة التاريخ القديم من جديد.

2- 15 ألف لوحا كتابيي مرقمي ومفهرسي. شو بدنا بتاريخ ايبلا. منو الا حقبي من حقبات تاريخنا المجيد، شعشعت بأواسط الالف التالت وأقل نجما للمرّا الاولي سنة 2250 قبل المسيح، ع إيدين واحد من الغزاة الشرقيين، نارام سين حفيد سارغون الأكادي. واقل نجما للمرّا التانيي ع ايدين حمورابي سنة 1850 قبل المسيح. بس أهم من هيك بكتير المكتبي اللي كتشفوا بـ5 محلات من القصر الملكي.

بالفعل كشفت الحفريات النقاب عن "مكتبي حقيقيّي غنيي بأكتر من 15 الف لوحا كتابيي من الفخار المنشف مرقمي ومفهرسي ع رفوف خشبيي، تمامن متلما بمكاتبنا الحاليي".

3-نصوص ايبلا مكتوبي بلغتين: الكنعانيين- الفينيقيين والشمّريي.

أهم شي لازم نعرفو عن هـ النصوص هو إنا مكتوبي بلغتين. لغة ايبلا اللي نقال عنا إنا بتمسّل "أقدم لغة بالتاريخ"، وإنا "إم الفينيقيي اللي رح تنكتب فيا نصوص أوغاريت بعد الف سني". (وهون بيسوى نلاحظ انو التعدّد اللغوي هوّي من ميزات الحضارا اللبنانيي- الكنعانيي من بدايتا يعني من بداية التاريخ)، وباللغا الشمريي لغة بلاد ما بين النهرين بهداك الوقت. وتدوّنت بالكتيبي المسماريي المقطعيي. وبيأكدو العلما انو ايبلا (وخلينا نقول مدن كنعان مش ميزوبوتوميا) هيّي أولمين مارس وطوّر الكتيبي المسماريي وعنا نقلت أكّاد وغيرا. وبتشمل مكتوبات ايبلا مواضيع متعدّدي بتدل ع حضارا مش بس عريقا وشاملي، وكمان بأوج نموا مش بس ببدايتا. وهاد بيأكد تطلعاتنا التاريخيي البتقول انو التاريخ والتاريخ الحضاري بلّشو هونن وبلّشو ببداية الألف التالت قبل المسيح.

4-مكتوبات ايبلا بتعالج تقريبن كل المواضيع الحضاريي.

شو مواضيع الكتيبي؟ تقريبن كل المواضيع اللي بتنعاش بمديني حضاريي ومنا:

أ‌- المواضيع الدينيي: بيظهر انو وجود الله والخلق و"خلق المرا من ضلع الرجال" والطرد من الجني، والطوفان والقصص الما بعد الطوفان واليمكن توصّل لعهد ابرام (ابراهيم أو بعض اسلافو)... هيي كلا واردي باللوحات. وبالاختصار بتورد باللوحات الافكار الرئيسيي والقصص الكانت أساس الروايات التورانيي بعدين".

ولتطبيق الافكار الدينيي عرفت ايبلا، متل غيرا من المدن الكنعانيي اللي ع راسا جبيل ايام تور-ايل، جسم كهنوتي منظّم بيمارس السلطا الفضائيي وبيصدر الاحكام وبيأمر بتنفيزا وبيشرف ع ممارسة العبادات والطقوس وكأنو اللي عمرو المديني رقعوا فيا الهياكل الفخمي المزيني بالخشب المنحوت والاعمدي والاجران والانصاب كإنا نوجدت تتكون فعلن "ميدني مقدسي".

ب‌- المواضيع الخلقيي: عبر القصص التوراتيي ومعظم النصوص الايبلائيي بتورد نظم خلقيي –منا متشددي كتير بمتطلباتا بتشكل إسس البدّو يصير انبل المناهل الخلقيي للبشر.

ج- الواضيع السياسيي: في بين اللوحات مجموعا من الوسايق الاداريي والسياسيي البتدل ع عراقا بإشيل الحكم والعلاقات الدوليي اللي ما كان يآمن بوجودا لحقبات بعيدي من الزمن متل العاشتا ايبلا، الا الليبيعرف اللي منعرفو نحن عن حضارة لبنان الكنعاني-الفينيقي. بين مجموعات اللوحات نصوص بتتعلق بإدارة المديني الكان يترأسا ملك بيعانو مجلس "آباء" أو "قضاة"، وبيمارسو الحكم معو، كحكام ع المدن والمقاطعات التابعا للمديني أو كرجال إدارا، اكتر اعضا العيلي المالكيز وبس نعبرف انو كان يشتغل بادارات الدولي 11700 شخص، منفهم اهمية مدينة ايبلا ممسلة المدن الكنعانيي من اواسط الالف التالت لبداية الالف التاني قبل المسيح.

والمركز المرموق الكانت تحتلّو الملكي حك الكانت تتمتع بالسيطرا ع ادارا مستقلي، خلّي الاركيولوجيي والمأرخين يستغربو، ويمكن نكون نحن الوحيدين الما ستغربنا. ليش؟ لانا منعرف انو هـ الامر كان من ميزات الكنعانيي- الفينيقيي من دون غيرن من الشعوب.

بس أهم شي لازم ننبّه لي، هو، بدون شك، "المفهوم الفلسفي والسياسي للعالم الواحد" اللي طالما فكّرت أوروبا انو حاضرات متل أتينا وروما هنّي اللي لقّنوها ياه. وأغلب الظن انو الكنعانيي كانو تعرّفو ع أربع قارّات، لهيك قسمو مدينتن لأربع أقسام رسمو ع أختامن رمز "جهات العالم الاربعا"، وقلّدون الملوك وسمّى نارام- سين الأكادي حالو: "ملك أجزاء العالم الاربعا". وهيك طلعت مدينتن كإنا "مزغّر للكون".

وبينضاف للنصوص السياسيي العامّي والنصوص الاداريّي المتعلقا بالقصر، نصوص الأحلاف الدوليّي والمواسيق والمعاهدات، ووسايق عن المعارك والحروب، ورسايل متبادلي بين الملك ورسلو وممسلينو وموظفينو.

د- المواضيع الادبيي: وهي كنايي عن نصوص ملحميّي شعريّي بتروي قصص. الابطال المألّهين المعروفين بالآلها وتسمت مجموعتين بإسم "البانتيون" الكنعاني البيترأسو إيل. بس نحن صرنا نعرف انو هـ الملاحم ما هي الا قصص اديبي تاريخيي بتسيّد بعظايم ابطال عصر تور- ايل المعروفين بالآلها واللي ما هن إلا أبطالنا المألهين. ومنعتقد انو ملاحم إيبلا رح تكون أقوى من ملاحم أوغاريت لأنا أقرب من المنابع.

هـ -المواضيع اقتصاديي" وهي اللي بتتعلّق بالزراعا وتربية الماشي وصناعة المعادن والنسيج... والتجارا المحليي والدوليي (ومنا سجلات ماليي وايصالات لمدفوعات أو لجزيي أو رسوم أو ضرايب...).