بتربية الماشيي: قبل تاريخ الملاحم الاوغاريتيي بعدّة الوف من السنينن دجّنو اللبنانيي- الفينيقيي الحيوانات يللي بعدا لليوم حيواناتنا الداجني: التور، البقرا، العجل المسمّن الحصان الحمار الخروف، الحمل المسمّن، الخنزير، الجدي، الكلب، البسين... وستعملو لحوما والبانا وصوفا. وبيسوى نزكر انو اللبنانيي بعدن لليوم ببعض الضيع "بيزقّمو "الحمل" ليسمّنوه وبعدين "بيقورمو" الخروف المسمّن. ومنلفت النظر كمان انو الكلب والبسين بينزكرو دايمن مع بعضن كحيوانات اليفي بتعيش بقلب البيت.
الالبان واللحوم للأكل والجلود والصوف للتياب والأحزيي. وبينفهم من الملاحم انو اللبنانيي- الفينيقيي ستخدمو لحوم الحيوانات والبانا للأكل. بكل صفحا زكر للولايم: الولايم المقدسي والولايم المانو يعملوا بمناسبة الاعراس والولادات وعمار القصور وولايم للقيامي من الموت او قرابين من أجل الموتى، أو لشفاء المرضى، والولايم التكريميي الخ... وبهـ الولايم كانت تتقدم اللحوم، لحوم الدواجي والطيور مطبوخا بأشكال مختلفي أو مشويي أو مخلوطا بالحليب واللبن ليعملوا مأكولات يمكن تكون الل منسميه اليوم "ضلع محشي" و "أوزي" و "لبن إمّو" الخ.
وكمان ستعملو اللبنانيي-الفينيقيي جلود الحيوانات وصوفا لصنع التياب والاحزيي وقنصو أغلب الحيوانات البريي وتصيّدو السمك بواسطة الشبكي وجنيو العسل بكترا. وهيك كانو السبّاقين كمان بمضمار استنباط المآكل والمشروبات والملابس.
الحيوانات تنخدم الناس: وأمّنو اللبنانيي- الفينيقيي لمواشين المراعي الخضرا والخطاير وستخدمو الحيوانات حسب حاجاتن إلا: سوّدو الاراضي بسوادا وحرسو (متلما قلنا) بواسطة السيران، وتنقّلو ع الخيول والحمير اللي زينوا بالصيغا، وفضضوا او دهّبو سروجتا، وعرفو الدولاب من عهد تور- ايل وستخدمو الإحصني لجرّ العربيات، وبنيو الاصطبلات وستخرجو الصباغ الإرجواني من أصداف الموركس وصار البورفير لبس الملوكوالطبقات الغنيي بكل نواحي العالم القديم.
نم نفتّح العقل وجاي تألف اللبناني مع الحيوانات ودجّنا. ومهم نعرف انو اللبنانيي- الفينيقيي تآخو مع انواع كتيري من الحيوانات وتصيّدوا وأكلو لحوما، ولبسو من جلدا، وهيدا من عهد إنبلاج العقل ونفتّحو بالعصور المعروفي بالحجريي يعني قبل باقي البشر. وبيورد لملاحم. زكر الكتير من الحيوانات البريّي متل الريم والايل والشاة والوعل والظبي. وكمان بيزكرو حمار الوحش والجاموس. وبيورد زكر الطيور ع انواعا ومنا النسر والصقر والسنونو والدوري.
وتشبّهت جيوش كرت الجرّارا بالجراد. وبيمزجو الفينيقيي زكر الحيّي بالخرافات البتفيد بأنا الا 7 روس، وبيطلقو عليا إسم لوياتان متلما بيسمّوا بالتورا الموسويي. ولوياتان حيّي بتسحقا البتول عناة ومرادفا التنين . وكمان بتنزكر بالملاحم أسامي للنسر ولإنسى النسر وللسنونو.
