وبالجزء التاني بيظهر الملك ايل لساقية ميّ، وهو عميعبّي دلوو بتراقبو بنت (ويمكن بنتين) باعجاب. وبيرجع لبيتو وبياخد سهم وبيرمي فيه طير بيوقع عند بابو وبيحطو ع النار. وبتتحرش فيه البنت (او البنتين) باغراء. مرا بتسمّيه (او بيسموه) بيّ ومرّا حبيب. وبينتهي وبتخلّف (او بيخلفو) صبيان تنين هن شحر وشالم: (السحر والغسق). وفور ما يعرف ايل بالخبر بيئمر انا تتقدّم قرابين للشمس والكواكب السابتي. وبيرجع الزوج (ويمكن يكون ايل بزاتو) وبيواصل المرا (او النسوان التنين) وبتحبل (او يحبلو) وبيولدو ولدين غيرن ولدين غيرن وبيكبرو الولاد وبينعرفو بنهمن وبأنن ما بيشبعو. وبآخر اللوحا منلاقين بمزرعا عمياكلو خبز ويشربو خمر عند ناطور المزرعا (باقي القصا ضايع).
دراسات كتيري نعملت عن مولد الالهين اللي ندمجو بالديوسكور المسّلين بنجمتين، نجمة الصبح ونجمة السما، وع أسامين تسمّو السحر والغسق ع عتبار انو كلمة ديوسكور اليونانيي منا الا ترجمي لكلمة "الآلها الكبيريم". ونعدّو شحر وشالم من الكبيريم الجبيليي. وهيك صوّرون ع نقود فينيقيي وفوق روسن رمزن: النجمتين.
3-مينن أبطال الملاحم الاوغاريتيي؟
ايل اله الآلها وملك الملوك
ما بينشك بانو شخصية ايل هي ابرز شخصيات ملاحم أوغاريت. وبينزكر ايل بهـ الملاحم باسم تاني كمان: تور- ايل كتبو العلما ميات المقالات والمألفات ع شخصية ايل، متلما بتبين الملاحم. وغلب الرأي البيقول انو الاله الاكبر للكنعانيي- الفينيقيي هو اللي منسميه الله. بس عملوه البشر ع مسالن. وصفوه بشتى الصفات البشريي الصالحا والطالحا وبين كأنو اله ما بيفرق عن البشر ع مسالن. وصفوه بشتى الصفات البشريي الصالحا والطالحا وبين كأنو اله ما بيفرق عن البشر الا بكونو قدير. وهيك ظهرت الملاحم وكإنا مقتطفات من كتاب ديني مش ادبي شعري.
نحن فضلنا نجمع كل معطياتنا عن ايل ورفقاتو قبل ما نصدر عنن رأي الو وزن. وجمعنا كل شي عنّا من معلومات، شفنا انو اهم شي وصلّنا عنو هو بدون شك اللي ورد بالملاحم الاوغاريتيي: ايل فيا هو الشخصيي الاولي. بيئمر، بينهي مش بس بوجّ البشر كمان بوج الآلها السماويين. وقارنا بين ايل الملاحم وايل سنخوني اتن (وصرنا نعرف انو المقاطع اللي وصلتلنا من مألّفو هي اتمن شي حصلنا عليه عن تاريخ فينيقيا).
شو عن ايل سنخوني اتن؟
بيعرّف عنو فيلون الجبيلي شارح نصوص المأرخ البيروتي الشهير، بأنو ملك جبيل والعالم المألّه وساتورن وهل (اللي يمكن يكون هيليوس- الشمس ).
وصرنا نعرف انو كلمة ايل البتعني بالفينقيي "الاول" كانو يطلقوا ع "الاول" بين قومن. وأول الأول كان الله. لهيك كان أهم مين حمل لقب الأول. وكان فعلن الملك الأول بين قومو. فازن من الطبيعي انو يحمل الملك الجبيلي كرونوس اسم الاول. وهيك حملو تور العبقري. ومرات كان هـ اللقب مرادف لاسم آدم اللي صار هو كمان لقب معناتو الاول.
من هون ،عت تور-هرمس بـ أدميل أو قدم- ايل أو كميل اللي هي دمج لكلمتين هني آدم وايل.
وكلمة كرونوس (أو كرون) هيي كمان فينيقيي. وجايي من قرن وبتفيد العلو والشي النافر. ومنا كلمة "قرن" اللي بتقيد وحدي زمانيي. وكلمة كرونوس اليونانيي هيي بزاتا الكلمي الفينيقيي. وفكرة السمو والبروز بعدا موجودي بتسميات المطارح والمدن والقرى متل قرنة السودا وقرنة شهوان وقرنايل (كرونوس ايل) الخ. وموجودي كمان بتسمية قرون الحيوانات اللي زكرنا انا صارت رمز القوي. من هون نعت الآلها (ايل وعنت والبعل...) ومن بعدن الشخصيات البارزي متل موسى وسكندر وغيرن من الناس بـ"صحاب القرنين".
بتبقى تسمية هل- هليوس. هيدي وردت بنصوص سنخوني اتن كتسميي تانيي لايل. وكلمة هيل فينيقيي مركبي من الـ "هـ" كـ اداة تعريف ومن "ايل" ومن الـ "س" وهيي الوصلي اليونانيي. وبتهني هي كمان "الاول". بالميتولوجيي اليونانيي والرومانيي في عدة ابطال مألهين بيحملو اسم هيليوس اللي كان أول مين حملو الملك ايل. طبعن بيورد بالملاحم زكر الآلها (أو الاله) الشمس (شمش) اللي تسمى متلما رح نشوف نيّر الالها واللي عتبرو العلما شخصيي مميزي. بس هـ الشي ما منع تكون الشمس نعدت رمز للملك ايل (ونقال: "الملك-الشمس") وخصوصن انو تمسيلو ع الانصاب كان يرافقو دايمن "القرص الشمسي". وصرنا نعرف انو الفينيقيي عطو اسامي ملوكن للكواكب. ومعقول ان تنعطى الشمس اسم غير اسم او لقب الملك؟
بس ايل تسمى كمان ساتورن. وتسمى بالشرق زحل وبعدو الكوكب زحل- ساتورن بيحمل اسمو. وشو بيصير ازا حملو كوكبين اسم ملك بهـ الشهرا؟ ع كل حال هـ الامور معقدي كتير وما ممكن ينفصل فيا هلق. ورح ننتظر نصوص ايبلا الملياني بايل تنعطي عنا راي نهائي.
المهم هو معرفتنا لايل كانسان تألّه متل رفقاتو اللي بتورد اسامين بالملاحم، "لانن أحسنو للبشر". وهادا امر مهم كتير لانو بيوضح كون ايل بيتصرف كبشري، واكتر الاحيان كانسان عادي بتتنازعو مخافة الله والآلها وبيضحي بأغلى ما عندو أو الو لارضائن وأهواؤو البشريي اللي بيجرو مش بس لخوض الحروب كمان لخوضا مرات ضد بيو أورانوس بالزات، انتقامن لشرف أمو غايا اللي كان أورانوس يعزّبا بـ مغامراتو. وكان كرونوس يدوس ع بعض المبادي الخلقيي اللي كانت صارت قوانين سارية المفعول بحياة اللبنانيي بهداك الوقت.
