هيدا بيختص بالإله باخوس. الاله التاني هوّي المعروف بالعالم اليوناني الروماني بإسم جوبيتر الهليوبوليتاني الروماني بإسم جوبيتر الهليوبوليتاني. هيدا كانو يسمّوه كمان "المشتري البعلبكي" وينعبد باعتبارو البعل هدد. ومتلما صار بعدّة مطارح، ختلطت عبادتو مع الوقت بعبادة الإله شمس (الشمس) وصارو يمسّاوه محاوط بهالي من نور.
اي، معروف عن بعل بعلبك انو هو الإله هدد. والهيكل المعروف اليوم بإسم هيكل المشتري هو هيكل هدد. وبما إنّا نحنا بصدد دراسة هـ الإله، لازم نلقي نظرا ع هيكل بيحمل اسمو هو واحد من ثلاث هياكل بتشكّل مجموعتا اروع ما عمّر الانسان.
العمّرو بعلبك لبنانيي مش رومان:
المعروف انو الامبراطور انطونيوس بيوس هو اول مين بلّش بتجديد عمار هياكل بترجع لما قبل بداية عهود الازدهار الفينيقيي يعني الالف التالت ع الاقل.
وبيقولو انو خلفاؤو تابعو العمل. وكان أبرزن أركان العيلي الفينيقيي. منزكر منن سبتيم سفير بيّ كركلا الل تمّم العمار هو وخلفاؤو ع مستوى عمل من بعلبك اعجوبة الفخامي والجمال بالعالم. ومن اللي ساهمو بلا شك بهـ المشروع العظيم: جوليا دومنا بنت كاهن "إله الجبل" من مدينة حمص قاعدة فينيقيا اللبنانيي. وكانت هـ الامبراطورا ع جانب كبير من الجمال والزكا لهيك لقبّ,ا بأوغوستا (المعظّمي) وكانت تشارك جوزا بتدبير أمور المملكي. وكان عندا إخت زغيري بتفوقا بالزكا وبالمقدرا هي جوليا ميزا تجوّزت قايد روماني وسكنت معو بروما. وبعد اغتيال ابن اختا كركلا تمكنت من تنصيب حفيدا إله الجبل ع العرش. بهـ الوقت نفتحت بواب روما بوجّ الفينيقيي وصارو يحتلّو فيا مناصب مدنيّي وعسكريي مهمّي منها يلعبو دورن بإدارة الدولي.
هيدا الل منعرفو عن الهياكل وعمارا. بس حسب نظريي لألفرد مر بتعتمد ع دراسي دقيقا للهياكل وتواريخ وعمارا. بس حسب نظريي لألفرد مر بتعتمد ع دراسي دقيقت للهياكل وتواريخ عمارا منقدر نستخلص انو بلّش العمار او بالاحرى تجدّد، قبل انطونان التقي بكتير، ع إيدين لبنانيي، وكان التمويل لبناني والتصميم لبناني ووسايل البنا والادوات المستعملي لبنانيي. وبيقول الفرد مر انو الفينيقيي اللبنانيي كانو بلشو يحتلو الفكر والسقافي وباقي مرافق الدولي من عدل وجيش، الخ. لدرجي انو الشاعر جوفينال حتجّ قال: "صار العاصي يصبّ بالتيبر". حتلّو عرش روما وقت البلّشو ببنا الهياكل اللي ازهلت الرومان- وهـ الشي بيأكّد انو الهياكل منّا رومانيي- متلما أزهلت كل الزوار الإجو من كل مناطق العالم.
المتلّت البعلبمي أروع روائع المدنيّي: بتتكوّن المجموعا البعلبكي من تلات هياكل، تنين منن بيحاوطن سور متجّه من الشرق للغرب. ومدخلا رواق واسع (بروييلي) قدّامو درج هايل نحفر بحجار ضخمي طولو من الشمال للجنوب 54,86 م وعرضو من الشرق للغرب 14 م. مزيّن بـ12 عمود من النوع المعروف بالكورنتي (وهو بالاصل لبناني). وكان ع جوانب البروبيلي ممرين مربعين واحد ع اليمين وواحد ع الشمال وحيطانن مزيّنن بالنقوش البديعا وهـ المدخل البروبيلي كان يودّي بواسطة 3 بواب للساحا المسدّسي اللي بيبلغ قطرا 60 م، واللي كانت محاوطا بأوض متوازيي. ومن الجها الغريبي كانت الساحا المسدّسي تطل بواسطة باب واسع ع ساحا تانيي مطاولي طولا 143 م وعرضا 113 م. وهـ الساحا محاوطا بـ 48 عمود بأوض نص مدوّرا أو مربّعا، كانت غنيي بالتماسيل والزخارف. وكان فيا مدبح كبير. ومن الجها الغربيي كانت الساحا المسدّسي تطل بواسطة باب واسعع ساحا تانيي مطاولي طولا 143 م وعرضا 113 م. وهـ الساحا محاوطا بـ48 عمود بأوض نص مدوّرا أو مربّعا كانت غنيي بالتماسيل والزخارف. وكان فيا مدبح كبير. ومن الجها الغربيي من المدبح كان في كنيسي تعمّرت بالقرن السادس، ومنن بيقولو انو قسطنطين عمّرا بالقرن الرابع. وكانت هـ الساحا تودي للهيكل كبير، هيكل الاله الشمس او جوبيتر هدد الهليوبوليتاني، اللي طولو 89م وعرضو 48 م. ومن العواميد الـ54 الكان بيتألف منا، ما بقي إلا 6. بس ما بتتقاتل بشي وبتسير الاعجاب بقياساتا العملاقا، وكمال صقلا وجمال تاجا الكورنتي وروعة سطحها. طولا 12،34 م ودايرتا 4،04 م، وطولا العام 23,06م.
ومن الجها الجنوبيي في هيكل باخوس اللي سموه مرات الهيكل الزغير نسبتن لرفيقو مع انو اكبر من بارتينون اتينا. طولو 67,70 وعرضو 35,66 م. ومحاوط بممر حواليه عواميد (بيريستيل) عددا 42, منّا 19 بعدا قليمي. وبين العواميد والهيكل سقف منقوش بأروع ما ممكن نتصوّرو من المنحوتات المنوّعا: روس أباطرا وآلها الهندسيي والزهور والورق من النوع اللي تسمى بالغلط زات يوم "الأرايسك" (بما انو جزورو هيّي بلبنان ولقيو منا بـ جبيل نقوش بترجع لـ الالف الرابع قبل المسيح). وكان البيروناوس (الجزء اللي قدّام الناوس او قلب الهيكل) بيحتوي من الجها الشرقيي ع عواميد مضلّعا رائعا. هيك منقول عن قلب الشيلا (أوضة الاله) اللي بيتناسب غنا نقوشا مع باقي نقوش الهيكل.
ومن الاشيا الل بتلفت النظر انو بقلي الحيطان الل عليا مصاطب الهياكل، كتل حجريي هيي بدون شك "أضخم ما بنيت فيه البشريي" 6 من هـ التكتل الحجريي بتشكل بالجها الشماليي سور طولو 60 م. وبتبين هـ الكتل زغيرة الحجم لمن منقيا بكتل الحيط الغربي مطرح ما في 3 أحجار معروفي بالتريليتون. بتركز ع قواعد طولا اكتر من 19 م وعرضا وعلوا اكتر من 4 متورا. وبعدن عميتساءلو خبرا العمار كيف نرفعت هـ الكتل التقيلي كتير (وزنا حوالي 1000 طن) لهيك علو وتركّزت ع الزيبق بشكل انو الحل بينا وبين المدماك اللي تحتا أو بين الحجر والحجر هوي اليوم، بعد 1800 سني من عمارا ما فيك تفوت فيه إبري.
بس بالخارج، خارج السور البيلف الهيكلين، بيرتفع هيكل مدوّر هو تالت هياكل المتلت البعلبكي. وهـ الهياكل الانيق تعمر ع اسم مرت الاله البعل هدد اتاكرتيس أو اتاكتيس اللي دمجوا بعشتروت- فينوس- الزهرا، وبآلهة الحظ (فورتونا) ونعبدت مع هدد بعدة اماكن وخصوصن بعلبك.

* الاربعاء 5 أيلول 1979