بنص الالف التاني رجع قدموس نشر عبادة أتينا أونكا. بلش بالبيوسي، ومنها عمّت هـ العبادي بالمقاطعات التاني.

قلنا انو أتينا عرفوا وعبدوا بـ أغلب بلدان العالم القديم، انطلاقن من الاتيك مملكتا وأتينا مدينتا. وما في شك انو أقدم هياكل أتينا، بنيوا بالحقبي القدموسيي بالبيوسي، بوقتا كان إلا معبدين واحد منن ع اسم اتينا ايتونيا، تعمّر حد مدينة كوروني. وبيظنو العلما انو باني هـ الهياكل من اقدم الهياكل بالزات، وانو هـ الهياكل من اقدم الهياكل المبنيي ع اسم اتينا. وبسبب وجود هيكل لأتينا بتسّاليا عتبروه سترابون وغيرو بالغلط انو أقدم من هياكل البيوسي. ولأنو ع اسم أتينا ايتونيا وقريب من مدينتين ايتونيا وكوروني، عتبرو انو البيوسيّين اخدو عبادة اتينا عن التساليين. والصحيح انو التساليّين. والصحيح انو التساليّين هنّي الل اخدوا عن البيوسي قبل تسّاليا وكانو بالبيوسي يعملو ع شرف أتينا عياد يسمّوا البانبيوسيي وبيرجّحو المأرّخين انو عبادة أتينا نتقلت من البيوسي لـ المقاطعات اليونانيي والقريبي ومنها تسّاليا وتراقيا والابير وأركاديا وحتى لـ الأتيك وأتينا، وبعدين لـ ليبيا وليديا وبعض الجزر والل منّا أمورغوس وكوس.

وكانو كمان يقيمو ع شرفا الأعياد ويرفعو الهياكل وحجار البتيل بـ اتينا وتيبا، متلما وبباقي مدن اليونان المنن ميسين وأرغوس وفالير ولاريسا وإرتيري (اليونانيي) وبريان وسالامين وتريزين وتيجي وسبرطا وميغالوبوليس وجزر أمورغوس، وكيوس كوس وخصوصن بـ لندوس (رودس) وبجيلا وأغريجنتي (بصقليا) وسلمونيون بـ (كريت)، وطروادا واكتر مدن اسيا الزغيري.

بس هيكل عنت- اتينا البيوسي التاني، المعروف بـ "الألالكومينيون"، هادا كان بين مدينتين كوروني وهليارت بسفح جبل تلفسّيون حد نبع تلفسّا (ونتزكر انو تلفسّا هو اسم ام قدموس واوروب وهو الل بتحملو كمان مدينة دلف)، وانو قدموس هو اللي عمّر هـ المدن وسمّى مدينة دلف ع اسم إمّو متلما سمّى قارّة أوروبا ع اسم اختو وكتّر من هـ التمسيات بالبيوسي متلما قلنا بالتفصيل بدراستنا عن قدموس، وإنّو اسطورة ولادة أتينا مركّزي بهـ النقطا من البيوسي. لهيك بيظنّو العلما انو هـ الهيكل هو أقدم من الهيكل الل حكينا عنو. بس ولادة أتينا بهـ النقطا بالزات منردّا شخصيّن لكون قدموس عمّر هونيك، ع الارجح، معبد من معابد أتينا أونغا وهـ المعبد قالو المأرّخين انو عمّرو بالبيوسي.

وعبدو أتينا بالميغاريد والفوسيد والبيلويونيز.

ونبنت لأتينا معابد تانيي بأغلب المقاطعات اليونانيي. وكان إلا بالمغاريد هياكل كتيري منا 3 معابد بأكروبول مغارا. كمان عبدوا بـ سلامين الكانت بالاول تابعا لمغارا. وعبدوا بالفوسيد، وبالأخص بـ دلف وبـ دوليس وإيلاتي وبمدينة آمفيسا ياللوكريد. وبالبيولونيز، عبدو أتينا بمناطق كتيري منها تريزين من أعمال الارغوليد. وكانو الصبايا يقدّمولا زنانيرن قبل الجواز. وعبدوا مع بو صيدون بـ هرميون، وعبدوا مع غيرا من الآلها والإلهات، وع راسن أوروب، بـ إبيدور، وأرغوس وإيناكوس ولرن وكورنتيا، الخ.

وكمان نعبدت أتينا الايليّي (يعني بنت ايل) بـ أركاديا البيلويونيز. وكان إلا مراكز عبادي مهمي بمدن إيليا (بوقتا عبدوا مع بو صيدون- أوليس) ومنتيني وتيجي غيرا. ومنا نتقلت عبادتا لـ مقاطعة لاكونيي من تيرايني. ونعرف انو إليوس (يمكن ايل او واحد من الابطال البيحملو اسمو؟) هو الل عمّر هيكل من هياكل تيجي. لهيك كانو يعيّدو الاعياد الايليي أو الهيلوتيي يـ تيجي يـ ستاد قريب من الهيكل، وكان لأتينا الايليي (اللي بيقولو إنّا كانت إم الاله الشمس) صفات شمسيي واضحا. ونتشرت عبادة أتينا كمان بـ لاكونتا البيلويونيز. وعبدوا مع زوش بـ سبارطا متلما عبدوا بـ تينار مع بوصيدون. وكمان عبدوا بـ مسّينيا والاليد واكابي وغيرا من المقاطعات اليونانيي.

وعبدو أتينا بإيطاليا: بـ إغريقيا الكبيري وبباقي مناطق ايطاليا والعالم الروماني تحت اسم مينرفا.

عبدو أتينا بالمناطق الايطاليي المعروفي باسم اغريقيا الكبيري، وهونيك لقيولا هياكل عا اسما واسم رفقا إلا: منما بـ كابري ولوسيزيا وميتابونت، الخ. كمان عبدوا تحت إسم مينرفا (أو منرفا أو منروفا أو منارفا) بـ روما وبأغلب مناطق العالم الروماني. وإجت عبادتا لروما متأخراً وفاتت كعضو من المتلّت المعروف بـ جوبيتر- جونو- مينرفا المقابل للمتلت اليوناني زوش- هيرا- أتينا.

وتعمّرت بايطاليا هياكل كتيري ع اسم مينرفا، منا بـ مقاطعة السابين (مدينة أورفينيوم) وبـ اللاتيوم بالجنوب الايطالي بين شعوب الاتروسك. ونتشرت عبادتا بـ روما من القرن التالت وجاي. وخصّصولا هيكل، هو المينروفيوم، عمّروه عند أقدام جبل شيلوس. بس كان إلا هياكل تانيي قديمي، منا هيكل الا فانتان. وكانو يعيّدو ع شرفا وشرف المرّيخ، إله الحرب، الاعياد الكنكاتروسيني، والكانت تجمع كل صحاب المهن (ع عتبار انو مينرفا كانو يعتبروا متل باليونان إلهة التجارا والصناعا والفنانين، (وبالتالي حامية الفن والادب والعلم. وكانت ضالعا بكل فروع المعرفي، وبأعيادا كانت تعطّل المدارس ويقدمو للمعلمين هدايا "مينرفال" (ع عتبارا إلهة الحكمي والعلم).

هـ الصفات هي، متلما عمنشوف ، صفات اتينا اليونان. وكانو الرومان يعرفو انو مينرفا هي أتينا. ويلقبوا بألقاب أتينا النابعا من مهمّاتا وصفاتا الل هيّي صفات عنت الفينيقيي بالزات. وكانو يبنو ع اسما الهياكل بروما ومنا العمّرو أوغوسطوس ع اسما الهياكل بروما كلسيديفا. وعمّرلا دوميسيان معبد بـ "ساحة مارس"، وبعدو عمّرلا معبدين تانيين. وكرّما يومين بإنو عمّرلا معبد ع اسم اتينا المنتصرا (نيكي). ولأنا كانت شفيعة الأطبا، عمّرلا معبد ع اسم مينرفا مديكا ع الاسكولان، وبعدين حول بلازانس. وسموا كمان سيّدة الصوف والغزل (ديا لانيفيشي) متل ما كانو يسموها بـ فينيقيا واليونان. وكانو يعبدوا مع نيتون متل ما كانت نتعبد اتينا اليونان مع بو صيدون (يعني نبتون).