كاشر وخاسس أوهاين الفينيقي، هوّي هوي فتاح- إجبت مصر

وهفيستوس اليونان، الهو فولكان الرومان، بيتمتع بصفات كاشر وخاسس البتزكرو أوغاريت.

هيدا هو كاشر وخاسس بحسب الملاحم الاوغاريتيي. يا ترى بيتناسب وصفو مع هفيستوس اليونان وفولكانوس الرومان؟ أول شي منلاحظو، انو كل اسامي هـ البطل المأله، هيي قريبي من بعضا وهيي متشابها بكل الميتولوجيات، بس بتنرد كلا لجزور فينيقيي. واهما اسم هفيستوس الهو فينيقي مركب من الـ ه: اداة التعريف وفيستوس الل هي تحوير لاسم "فتاح" أو "فاتح" والـ "س" وصلي يمكن تكون يونانيي. وبيقرّو علما الميتولوجيا انو اسم هفيستوس "مش يوناني"، ولازم ينرد لاصول "بريهلينيّي" ولاصول شرقيي. وبيعرفو اكترن انو رد هـ الكلمي لجزر مشتق من النار (لان هفيستوس كان يصهر المعادن)، او لمدينة فيستوس الكريتيي، ما يتناسب ابدن مع الحقيقا التاريخيي، وانو من الاصح تنردّ كلمة نار (ولفظا باليونانيي قريب من اسم الاله فتاح) وكلمة فيستوس (المديني)، وغيرا من الكلمات المشتقا من نفس الجزر، لاسم هـ البطل المأله. بس جزر الكلمي المعتبرا عند العلما الأوروبيي شرقيي، هو بالواقع فينيقي، مش يوناني"، ولازم ينرد لاصول "بريهلينيّي" ولاصول شرقيي. وبيعرفو اكترن انو رد هـ الكلمي لجزر مشتق من النار (لان هفيستوس الكريتيي، ما بيتناسب ابدن مع الحقيقا التاريخيي، وانو من الاصح تنردّ كلمة نار (ولفظا باليونانيي قريب من اسم الاله فتاح) وكلمة فيستوس (المديني)، غيرا من الكلمات المشتقا من نفس الجزر، لاسم هـ البطل المأله. بس جزر الكلمي المعتبرا عند العلما الأوروبيي شرقيي، هو بالواقع فينيقي، مش بس لانو هـ الاسم بيورد عند سنخوني اتن متلما هو عند اليونان والرومان، كمان لانو معتبر عند الشرقيين مرادف لـ الكلمة فتاح أو فاتح. وكتار من المأرخين وبمقدمتن هيرودوت، دمجوه بـ فتاح مصر. ومأرخين أوروبا، القدما منهن والجداد بيعرفو انو العلاقا وسيقا بين هفيستوس ومصر. وبعدما يحكي هيرودوت عن تمسال هفيستوس بممفيس، بيقول عنو انو "ع شبه كبير مع الباتيك" البيحددا بانا "تماسيل بيحطوا الفينيقيي ع مقدمة سفنن"". وواضح انو كلمة الباتيك مش الا تحريف لـ كلمة الفاتح الفينيقيي. ومأرخين كتار، ومن أهمن مانيتون مأرخ مصر الاول، بيدمجو فتاح مصر بهفيستوس ومتلن بعض نصوص البردي المصريي.

بس نحنا صرنا نعرف من ملاحم أوغاريت انو فتاح- البتسميه ملاحم أوغاريت كاشر- وخاسس أو هاين وبتعتبر "ك ف ت ر" الشرحوا بكلمة كريت، و "هـ ك ف ت" المنا شتقت لفظة "اجبت" الهي اسم مصر التاني- هو واحد من الالها اللبنانيي الفينيقيي. ومتلما سبق وزكرنا، بيبين انو كان يخضع، متل باقي الالها، لسلطة ايل، بحيس منشوف ايل بيبعت وراه ساعة اللي بدو ياه تيخطط ويبني قصور وهياكل لـ الالها.

مين هو هفيستوس- فولكان؟

ما منقدر نحدد هفيستوس بدقّا من خلال نصوص سنخوني اتن او ملاحم اوغاريت. يمكن نعرفو مينو وابن مين لمن بينشرو نصوص ايبلا. هلق، كل شي منقدر نعرفو عن سلالة هـ البطل المأله، وردنا من نصوص الميتولوجيّات، خصوصن اليونانيي والرومانيي. بس ما فينا نجزم بهيك موضوع بحيس المعلومات منوعا واحيانن متناقضا. حسب شيشرون هفيستوس هن ابن سيلوس (السما). وحسب ليدروس، ابن اورانوس (يعني شميم السما) وبي ابولون باتروس، أو ابن ايل كرونوس او ابن زوش وهيرا.

ومرات بيعتبروه ابن النيل او نيلي او نهر، القاضي الل منعرفو من ملاحم أوغاريت وع العموم بيعتبرو هفيستوس ابن زوش وهيرا. وزوشن متلما صرنا نعرف، هو لقب من القاب الالها. عند بعض المأرخين بيورد ( بالغلط متلما بيقول ساغليو) انو زوش الل منعنيه هون، هوي كرونوس. ونحن من هـ الراي ع عتبار انو هفيستوس نعرف كـ زوج لعشتروت وعشتروت مجابلي لـ كرونوس لانا اختو. فازن مش معقول يكون هفيستوس ابن كرونوس وجوز عشتروت- افروديت بالوقت زاتو. ومش رح نتوقف قدام الخرافات المتنوعا الل خلقتا مخيلة الاغريق، والل منا انو هيرا هي بدون شك أم هفيسنوس بس خلفتو لوحدا أو بالاحرى هـ الاله مجهول البيّ.

يا ترى هفيستوس هو اوتوكون أو تكنيتس؟

والبعض دمجو هفيستوس بـ "اوتوكتون" (آدم من آدمات)، الفسرو اسمو بالارضي". نحنا مش من هـ الراي. من جها لان هـ التفسير ما بيتناسب مه مهمة هفيستوس الفاتح الل ملك ع مصر ومدّنا وتجوب كبطل مأله بادر مدنيي بكل اقطار العالم القديم. ومن جها تانيي لانو اوتوكتون مزكور بنص سنخوني اتن متل كأنو من سلالة زوش هفيستوس- فولكان. وزكر مأرخنا الرصين، خي لـ اوتوكتون هو تكنيتيس الل فسرو اسمو بالمحترف او الصانع او التقني.

وهادا لقب يتناسب مع مهمات هفيستوس كـ صناعي. وبيبيّن انو الاسم الفينقي هو هاين او كاين (وهي كلمي قريبي لـ قايين ولفولكان). ولاحظنا انو هـ الاسم هو من الاسامي البيطلقوا ع كاشر- وخاسس أوغاريت إنّا بتعني الحازق بالصناعا. بس تكنيتيس حسب سنخوني اتن، هو سليل هفيستوس مش هفيستوس بزاتو. وبيقول مأرخنا عنو وعن خيو انن "تخيلو دمج الصلصال المبلول بالقش، وخلوه ينشف بالشمس تيعملو منو لبن للعمار وانن هتدو لعمار القوف". وعدا هـ المقطع الاخير ما منشوف علاقا مباشرا بين هفيستوس وهـ الاعمال.

منلخص: اوتوكتون وتكنيتيس هنس براينا خيين متحدرين من هفيستوس، مش هفيستوس بالزات.