آخر تقرير رفعو فالدهايم للامم المتحدي عن وضع ​لبنان​، قال فيه انو لبنان بلد معافى واكيد رح يقوم من محنتو. وكان لهـ التقرير صدى منيح بكل لبنان.
وتعزز كلامو لمن علنت جمعية تجار عالميي، بمنتمرا بلندن، انو الوف الشركات الاوروبيي والاميركانيي. اللي نقلت مراكزا من بيروت بهـ الحرب، ندمت. ليش؟ لانو بيروت، بفضل موقعا، ومعاملة اهلا، ومعرفتن لعدة لغات، ورسوخ حرية التداول المالي عندن، ما في مديني بتحل محلا.
هـ الشهادات الجايي من برات لبنان قديش كانت بتكون أعظم وأقوى لو انن هـ العميطوا كانو بيعرفو شو تراس لبنان وشو عاطي للحضارا.
صحيح الله مع لبنان. وهو العاملو انو تكون "هوايتو من قديم وجاي، متلما بيقول ​سعيد عقل​، القومي من الموت".