من اليوم الاول لطرح الموفد الأميركي الخاص السفير فريدريك هوف سنة 2012 لترسيم الحدود البحرية اللبنانية الاسرائيلية. وبالسنوات الاخيرة خاصة بعدما وقّع لبنان اتفاقية التنقيب عن النفط في مياهه الإقليمية، رجعت عليت وتيرة زيارات المسؤولين الاميركيين للبنان لي لمحوا لاعادة خط هوف للواجهة، متل وزير الخارجية ريكس تيلرسون، ومساعد وزير الخارجية الأميركي لشؤون الشرق الأوسط ديفيد ساترفيلد. فشو هوي هالخط؟ خط هو تسمى ع اسم فريدريك هوف لي زار لبنان بال 2012 ورسم الخط لي اقترح من خلاله ان يتم تقاسم المنطقة المتنازع عليها بين لبنان واسرائيل عند الحدود البحرية الجنوبية. حدود لبنان البحرية الشرعية تمتد على حوالى 860 كلم 2 والاقتراح بيعطي لبنان مساحة 500 كلم2 وتعطى اسرائيل 360 كلم2. يعني بياخد لبنان 60% من ثروات النفط مقابل 40% لاسرائيل لبنان وافق على أخذ الـ500 كلم2، ولكنه رفض التنازل عن الـ360 كلم2 فتم تجميد الاقتراح. زيارات السياسيين الاميركييين الاخيرة عم ترجع تسوق لاقتراح هوف وبالمقابل دراسات سبق وطرحتا لجنة الاشغال اكدت انّ حق لبنان يزيد عن الـ860 كلم2، بحسب خط الهدنة في عام 1949. واليوم وبحسب معلومات ممكن يطرح وزير الخارجية الاميركية مابك بومبيو لي رح يزور لبنان جمعة الجاية موضوع هوف. فهل رح يكون فيه قبول للاقتراح او الرفض رح يبقى سيد الموقف؟