طالبت رئيسة الكتلة الشعبية ميريام سكاف "باستقالة الحكومة فورا وتشكيل حكومة تكنوقراط تكون مهمتها الاستجابة لمطالب الناس وانقاذ الوضع الاقتصادي وتنظيم انتخابات نيابية مبكرة بأسرع وقت ممكن"، مشيرة الى أنه "صرلنا اكتر من عشر سنين ناطرين هالمشهد، وصلنا لمطارح فقدنا فيها الامل إنو الناس تتحرك. مشهد مبارح واليوم رجعلنا الامل، وأكد إنو بلبنان شعب حي قادر يقول لأ ويقلب الطاولة بوجن كلن".
وتابعت: "ما تتركوا الطريق. ماتستسلموا. هيدي لحظة تاريخية بتأسس لتغيير حقيقي، والمفروض نشارك كلنا ونكون كتار. هيدي الثورة بتمثل الشعب اللبناني بدون استثناء، ومن حق الناس انو تتظاهر وتعبّر عن رأيها ووجعها بكل حرية وبالطرق المناسبة والمشروعة"، معتبرة أن "العنف الممارس من القوى الأمنية مرفوض".
