شنط ورا شنط عم تتعبّا بهالبلد
شنط سفر حاملينا الشباب
والأهل بقلب موجوع عبيصرخوا: مهاجر الولد
ومش باقيلن إلا شويّة صور وذكريات وريحة التياب
بلد حكّاموا نهبوا، وشعب شارك بالجريمة
وبعدو لاحق الزعيم لانو منو عم بيستفيد
الكبير صار عندو غنيمة
وبيوزع فتافيت لأتباع منن اغتنوا ومنن بعدن عالحديد
يا بلد الأرز شو بدنا نحكي ونقول
انت لي ذكرك الله بكتابو
يلي عم بصير عنا مش معقول
ومعقول هالقد شعب ببيع بلادو
قولكن شو بدّا تنتحل ونصير بلد راقي؟
قولكن بدّا مسؤولين أو قوانين أو موطنين؟
الحقيقة بدّا بشر تأمن بالله، وتعرف انو ما في شي باقي
وتوعى انو في إخرة، وربنا رح يكافىء الصالحين ويجازي الشريرين.
