والهكفتيين-الفاتحين مصر والعالم كانو من الكبيريم بعدد سابق من جريدة "لبنان" حكينا باختصار عن "هكفت-اجبت-هفيستوس-فولكان الجبيلي"فاتح مصر، وقلنا انو عاطيا واحد من الاسمين الحاملتن وهو "احبت"، ع اعتبار انو الاسم التاني، "مصر" هو اسم بيّ تور الجبيلي وابنو. هون جينا نزيد 3 قضايا مهمي: اولهن انو كلمة هكفت اللي كانت ع الارجح اسم واحد من الفاتحين اللبنانيي الاول، تحولت متل غيرا كم الكلمات من اسم لفاتح او لمحسن بطل من هـ اللبنانيي التفتحّت ع ايدين الحضارا، لاسم جنس بيشمل ناس او حيوانات او اشيا. وهيك تحول اسم "ف.ت.ح" (والـ ه اداة التعريف الفينيقيي) ومنها لـ"ه.ك.ف.ت"- "اجبت" متل ما برهنو كتار من العلما ، وضلّت تتحول ت صارت لقب حملو ابطال كتار من نبلا فينيقيا الكبيريم. تاني مسالي لازم تنقالن هي انو اللي شتهر اكتر من الكل بهـ اللقب هو البطل الكان اسمو فولكان لدرجي انو لقب هيستوس- فتاح صار ملازم لاسمو وصار معروف باسم فولكان- هفيستوس او فتاح.
تالت قضيي مهم نعرفا هي انو اسم ابطالنا الفاتحين، واسم فتاح بالزات تقرن باسم مصر والمصريين، اكتر ما تقرن بغير بلدان وبغير شعوب لدرجي انو صارو يسمو المصريين هفيستين او اجبتين نسبتن لاجبت- فتاح- هفيستوس ولكل الفاتحين اللبنانيي اللي تناوبو ع عرش مصر ونعرفت مصر ع اسمن وبسببن شعّث حضارتا ع ارضا وع كل الارض. وهـ القضيي رح نرجع ليا.
الهفيستين هني من الكبيريم: مش سهل نعرف مينو أول بطل حمل اسم فتاح- فاتح وعطي اسمو لكل الفاتحين. بس سهل نعرف انو كلمة فتاح كلمي كنعانيي-فينيقيي بجزورا ومشتقاتا، ومنها "فتح" و"فاتح" و"فتوح" (الاسم الحاملتو لليوم ارض بعينا من اراضي لبنان) وبالاخص "فتاح" الهو اسم 4 ضيع لبنانيي هني. "فتاح" و"فتاح الشوحا" و"فتاحات بكسروان و"فتاحات" بالبترون. وبيسهل هـ الشي اكتر واكتر لما منعرف انو، بنظر القدمان كلمة هكفتين- اجبتيين-هفيستين كانت مرادفي لكلمة كبيريم الكانو معروفين بانن ابطالنا المألهين وسلالاتن الحاكمي العالم.
بكتابو الهو بعنوان "مفردات" ( لكسيك) قال فوسيوس، نقلن عن كتاب ضايعا اكترية مألفاتن، انو الكبيريم هني "آلها عظما واقويا" و"انن هفيستي (هجيبتيين) او طياطن". ولتقى كتابات منها كتابي ببرغام (بآسيا الزغيري) بتقول إنو هـ الكبيريم كلنو متل الطياطن ولاد أورانوس وكرونوس يعني، متل ما صرنا نعرف، ولاد لبنان- فينيقيا). كمان لتقت كتابي بجزيرة أمبروس فيا ابتهال للكبيريم (التالوت مع رابعهن الهو أعظمهن تور- مرمس-كدميل) و ه من الطياطن البتزكرهن تيوغونية هزيود، والمنهن الملوك اللبنانيي يافت وإيل- كرونوس.
وبيعلق لنورمان ع هـ الموضوع: هـ القول لفوسيوس البتدعمو الكتابات هو ع اهميي كبيري بتخلينا نأكد "انو الكبيريم هني هفيستيين" وإنو هفيستوس (المعروف بجزيرة لمنوس وامبروس وساموتراس وبغيرن بانو بيّ الكبيريم المن مرتو كبيرا) وما كان بس بي الهفيستيين- الكبيريم، كان كمان واحد منن والاول بيناتهن ويمكن الكبير الاعظم.
