و- المواضيع التاريخيي والجغرافيي: بتقول النصوص التتاريخيي عن وجود ميات المدن اللي بعدو بعضا قايم لليوم. كمان بتخبّر عن الأحداس اللي عاشتا وتعرّضتلا وعن سلالاتا الملكيي. ومن أهم هـ المدن ديماشكي (دمشق) وماري (تل الحريري) والالاخ (تل العطشاني) وتوتول (تل البيعا) وارمان (حلب)، الخ...
متلما في كمان ميات المدن الما تحدّدت اماكنا بعد.
يمكن غيرنا يستغرب وجود هـ العدد من المدن المزدهرا بأزمني بعيدي، نحن لا. كنا نعرف عبر النصوص التاريخيي انو تور وايل أسّسو المدن بالميات بلبنان وإمتداداتو الطبيعيي وبكتير من البلدان اللي مدّنوا وحكموا، وانو الموجي التمدينيي البلشوا، ببداية الألف التالت، تتابعت بامتدادات عصرن الزمنيي.
ز- اللوحات المدرسيي: هـ اللوحات كتيري ومواضيعا متنوعا. منا بيتضمّن أصول التعليم. ومنّا كنابي عن قواميس بلغتين هن الكنعانيي الايبلائيي والشمريي. ومنا تمارين مدرسيي ع مختلف المواضيع الفكريي. وبالفعل لاحظو الاركيولوجيي انو مركز المديني الحيوي هو الاكروبول اللي فيه القصر الملكي والمعابد التلاني. (ومهم نلفت النظر ع انو الملوك والحكام كانو بهك العصور القديمي تخبة المفكرين والعباقرا: وينن ووين حكامنا اليوم!..) والمدرسي كانت مخصصا لتعليم كل ولاد الطبقا الارستقراطيي، حكام المستقبل والكتّاب اللي رح يصيرو موظفين... وكمان كان في بالقصر مشغل للنحت وحفر الخشب بيقولو الاركيولوجيي انو "فيه خلق فن خاص بالمنطقا، رح يضل مهيمن عليا لمدة الف سني ع القليلي". والحقيقا انو هـ الفن خلق وترعرع بعصر تور- ايل، وايبلا هي واحدي من الحاضرات اللي تسلّمت الشعلي ونشرتا.
والخلاصا هي انو ايبلا كانت واحدي من الحاضرات الكنعانيي الزاهر، واحدي من المدن الشواهد اللي بتسبّت، بشكل ما بيقبل الجدلل بعد اليوم، انو الحضارا اللي خلقت بهـ البقعا من العالم، هي زاتا اللي بتحمل اسم لبنان (لبنان الحالي وإمتداداتو الطبيعيي)، هيي فعلن متلما قلنا وكتبنا من سنين أم حضارات العالم بكل ما فيه كلمة حضارا من معنى.
بحّاسة التاريخ. لانو اللي بدو يتعرّف عن قريب ع حضارة لبنان وامتداداتو الطبيعيي وحضارات جيرانو بالشرق، بيضطر يرجع اللي بقي- لغاية اكتشاف ايبلا- اكبر كنز اركيولوجيي تاريخي لتقي بالمنطقا ويمكن بالعالم، قصدت قول "مكتبات" أوغاريت.
1- علما أوغاريت بالميات. عشرات حتى ميات العلما هتمو بدراسة الحضارا الاوغاريتيي، الهي حضارة واحدي من مدن لبنان الكنعانيي- الفينيقيي بأواسط الالف التاني قبل المسيح. منوكر منن شيفر، فيرولو، باوير، دورم، غوردن، غنزبرغ ، غاستر، دي لانغي، كاسوتو، أيستليتز، أيسفلت، هاردنر، دل مديكو الخ. بينزاد علّين عشرات وحتى ميات الأركيولوجيي والمأرخين اللي شتغلو بحفريات أوغاريت أو كتبو عنّا الكتب والمقالات العديدي والضخمي. ومع هادا كلو بعدما خلصت الحفريات ولا خلصو من جمع اللوحات التميني.
2- أعمال الكشف والتنقيب. بتوقع أوغاريت المعروفي اليوم بإسم رأس الشمرا (29) ع بعد 12 كيلومتر شمالي اللادقيي. ونعلنت منطقا أسريي من قبل "دايرة الآسار بسوريا ولبنان" سنة 1928. وأشرف ع أعمال التنقيب فيا العالم شفر ومعاونو شيني. ونتهت المرحلي الأولي من التنقيب سنة 1939. وكشفت هـ الحفريات عن 5 طبقات بتمتد بالزمان من العصر المعروفي بالعصر الحجري الحديس لحدود القرن التنعش، لوقت اللي تدمّرت نهائين ع ايدين الغزاة المعروفين بشعوب البحر، واللي كانو يضمّو من جملة مين ضو "شلعة" غربا هن الفلسطينيي اللي ستخدمون لتدمير الشط الكنعاني المتمدّن وقدرو يدمّرو معهن أوغاريت.
3- فيرولو ودورم وباوير حلّو مكتوبات أوغاريت. من أروع ما بيتخبّر عن أوغاريت قصّة حل رموز "مكتوباتا" اللي صرنا نعرف إنّا متنوعاوانا بتملي الوفات الالواح الخزفيي. وبيرجع الفضل بحل رموز "المكتوبات" الاوغاريتيي لتلات علما هن: شارل فيرولو وادوار دورم وهانس باوير اللي شتغلو كل واحد منن لوحدو وعطو نتايج تقريبن مماسلي.وهـ الشي ما عاد يترك مجال للشك ببصحة الحل. وبالرغم من وقوعن بشوية أغلاط- وهـ الشي بيحصل حتمن بأول الانجازات الكبيري والمهمي- لانن عتمدو مرّات اعتماد كامل ع اللغا العبرانيي ولانن مش لبنانيي- واللبنانيي وحدو بعدو عايش كتير من حضارة أسلافو، وبعدا لغتو حاملي كتير من رواسب تراسن، وهيك "بيقدر يشوف اللي ما بيشوفو الغريب". مع هيدا وكلو ما فين الا نقرّ بالفضل الكبير لهـ الرواد الحضاريي ولأسلافن اللي ستلمو منن الشعلي وبعدن عميبحسو وينقو.
