يا ترى شمس- الشمس الاوغاريتيي هو زاتو ايل- هيليوس- صول- كرونوس- ‏ساتورن؟
اكتر اللي درسو الملاحم الاوغاريتيي عتبرو انو شمس- الشمس اله متل باقي ‏الآلها. شخصيّن مش رح نكتفي بهـ القول. شمس- الشمس اله متل باقي الآلها. ‏شخصيّن مش رح نكتفي بهـ القول. شمس- الشمس منا بكل النصوص اللي وردت ‏فيا شخصين بشريي مألها متل باقي الشخصيات. منشوفا بعض الأوقات بتتصرّف ‏‏(وبيتصوفو معا) كانا شخص، وأوقات غيرا، هي الكوكب المنور اللي تسمّى ‏الشمس مش اكتر ولا اقل. وكمان ما بيوضّحو علما اوغاريت ازا كانت الشمس ‏شخصية مرا او رجال. برغم قلة معرفتنا باللغا الفينيقيي، لاحظنا انو زكر الشمس ‏اكتر الاوقات بيورد بالنص الفينيقيي بشكل واحد تقريبن: "نرت.ال.م. ش ف ش" ‏‏"منارة الآلها شفش". والغريب انو العلما ترجمو الكلمات نفسا مرا كانا اسامي ‏مزكّرا ومرّا كأنّا أسامي مأنّسي عنا بخصوص هـ الامر عدة ملاحظات،
‏1-‏ براينا انو كلمة شفش بتورد دايمن كحإسم مرا مش رجّال. 2- بيستعملوا مرّا ‏للدلالي ع شخصيّي مألّها ومرّات بتعني كوكب الشمس بزاتو، بس بتضلّ ‏محافظا ع لقبا: نيّرة الآلها أو منارة الآلها.‏
‏3-لو قارنّا مواصفات شفش بمواصفات يرخ (سين- القمر)، كنا لاحظنا انو ‏يرخ- القمر هوي فعلن شخصية امير مأله وانو ستعمال الكلمي بعض الأحيان ‏للدلالي ع الكوكب ما بيدعي للالتباس متلما بيصير بخصوص شفش- ‏الشمس.‏
ومنعتقد شخصيّن انو كلمات شفش ويرخ هنّي بالأصل اسامي اشخاص. ‏ومتلما نعطت اسامي غيرن للكواكب وغير الكواكب، هيك نعطت اسامين ‏للشمس والقمر. بس ضلو حاملين هـ الاسامي اصحابن الأصليين. وبما انو ‏الملاحم بعيدي عن منابعا ختلطو المبادي والشخصيات ببعض وما عادت ‏الأشيا واضحا كل الوضوح.‏
فازن كلمة شفش هي بالاصل اسم لو احد من الابطال المألهين أو واحدي من ‏البطلات المألهات. ولأنو نعطى للشمس بقي الو لقب نير (أو نيرة) الآلها، ‏اللي بيلازمو الملاحم.‏
كتار من اللي درسو الملاحم ختصرو هـ الامر بانو عملو من شفش- الشمس ‏اله. ليش عتبرو اله مش الاها؟ يمكن لانو هيليوس- الشمس هوي ‏بالميتولوجيا الغربيي اله. بس ليش اسم هيليوس بدل من شفش؟ برأينا لأنو ‏شفش كان ينتمي بشكل أو بغيرو لايل (وكلمة هيليوس متلما صرنا نعرف ‏هيي هيي كلمة ايل مضاف ليا الـ "هـ" بأولا (متل اداة والـ "س" بالاخر ‏الهيي وصلي يونانيي. وهيك بيورد اسم "هل" للدلالي ع ايل بنصوص ‏سنخوني اتن وللقول انو "الهيليم" او الايليم هني اتباع هل- ايل بالزات. فازن ‏اله الميتولوجيات اليونانيي وغيرا الحامل هليوس، هو الحامل اسم ايل. ‏وكيف صار هـ التحور اللي خلى كلمة هليوس تصير مرادف لايل بينما ‏كانت بالاصل اسم لاله غيرو؟
مينو صول-هيليوس؟
وبما انو نصوصنا ما بتفصح اكتر عن هليوس او صول- هليوس رح نسأل ‏عنو متل العادي الميتولوجيات اليونانيي ومتفرعاتا. شو بتقول؟ انو هليوس- ‏صول هو ابن طيطن من الطيطني تيا، فازن هوي حفيد نوح- أورانوس ‏وخي لونا- سيليني (الآلها- القمر اللي رح نتعرف عليا). وهيك بيكون ‏هيليوس ابن خي ايل- كرونوس (وايل متلما منعرف هو ابن اورانوس). ‏وبيظهر انو خي الفجر (ايوس) والقمر (سيليني- لونا). تجوز من برسييس ‏الهي بنت من بنات اوكيانوس وتتيس، وأجاه منا عدة ولاد، منن سيرسي ‏الهي بنت من بنات أوكيانوس وتتيس، واجاه منا عدة ولاد، منن سيرسي ‏الساحرا، وايتيس اللي صار ملك الكولشيد، وبرسي الحل محل خيو إيتيس ع ‏العرش، وبإزيفاني مرت مينوس. بعدين قبعتو عن العرش مدى بنت خيو. ‏وصرنا نعرف انو مينوس ابن اوروب عاش بأواسط الألف التاني.‏
وهيك بينقال عن ميدي الساحرا اللي لعبت دور مهم بالميتولوجيا بينما ‏هليوس- شفش المفروض انون هو جد ميدي، ومرت مينوس، عاش بالالف ‏التالت. وتفسير هـ الامر انو عدة ابطال من اللي حملو اسم هيليوس شتهرو. ‏لهيك حفظلن التاريخ اسامين. منن هيليوس الألف التالت وهيليوس الألف ‏التاني، بس ختلطت قصصن وهيك بيّنو كأنن بطل واحد مجوز عدة نسوان ‏وصاحب مغامرات كتيري. وبالفعل عدا عن زواجو من ترتييس، تجوز ع ‏قول الاسطورا، لوكوتوي. وبيظهر انو هيليوس اجا صبيان وبنات تسمّو ‏باسمو، الهلياديين. اجا من الننف كليميني عدة بنات هن الهيليديات ميروبي ‏وهيلي وفوبي وايتري وديوكسيبي (أو لمبيتيريا). خيّن هو فايتن المشهور، ‏اللي لمن صعقور زوش وقع بنهر إريدان وضلّو هني يبكو عليه تتحوّلو ‏لسجر صفصاف، وتحوّلت دموعن لنقط عبر.‏
ومهم نزكر بأنو هـ الاسطورا ع علاقا بسفرة الارغونوث الفينيقييّ لبحر ‏الشمال والبلطيك اللي ع ضفافو كانو بجنو العنبر متلما اكدت اللقيات ‏الأركيولوجيي.‏
رودس جزيرة الورد حاملي اسم بطلي من لبنان
‏ وأشهر ولاد هيليوس المهمّين هن الهلياديّي السبعا اللي ولدو لهليوس من ‏الننف وردي (أو رودي أو رودس) البطلي اللي عطت اسما لجزيرة رودس ‏وللورد، ولهيك صارت الجزيرة تتسمّى جزيرة الورد.‏
ومينن الهياديي الـ7؟ أو كيموس وسركافوس وماكاري (أو مكار) واكتيس ‏وتيناجيس وتريابوس وكندالوس. كانو كلّن عارفين بالأسترولوجيا وروّأد فيا.‏
ونتشرو بمصر وكاريا وجزر لسبوس وكوس. وضل أو كيموس وسركابوس ‏بجزيرة رودس. وحكموا. وولدلسركابوس 3 صبيان هن ليندوس وباليسوس ‏وكاميووس اللي عادو حكمو الجزيري وبنيو المدن التلاتي الشهيرا الحملت ‏أسامين.‏
وكانو يمسلو هيليوس بشكل شب روعا بالجمال حولي راسو اشعّا كإنا شعر ‏من دهب، وبيخترق الاجواء ع عربيي ناريي بيجروا اربع احصني، وكان ‏ينطلق صباح كل يوم من صوب الشرق ويبرم العالم ويستريح عند المسا ‏بالمحيط.‏
وكانو يعتبرو هيليوس "عين العالم" وبالأساطير الهوميريي بينفهم عن ‏هيليوس انو "مشعل الآلها" هك اللي بيضوّيلن الدروب. وهيدي هيي صفة ‏الشمس- شفش اللي بتسميه الملاحم الاوغاريتيي "نيّر الآلها".‏
وهلق ما دام وضحلنا هـ الامر رح تتوض حلنا أمور كتيري. ومنا سبب ‏اعتبار هليوس اله تانوي دمجو، مش بس باله واحد، هو ايل- كرونوس- ‏ساتورن- كمان بآلها غيرو.‏