كاشر وخاسس أوهاين الفينيقي، هوّي هوي فتاح- إجبت مصر وهفستوس اليونان وفولكانوس الرومان، وأوّل مهندس معمار عالمي الشهرا

ومنلاحظ انو سارهفيستوس الفينيقيي بتعمل منو أول السكالبي وسيدن. وبالاسار الفينيي منشوف حدو مرات واحد من السكالبي حاملو الملاقط، وأوقات منشوفو وحدو عميشتغل بمصنعو بس بملاحم أوغاريت منشوف كاشر- وخاسس أو هاين، يعني فولكان عميمارس أعمالو الصناعيي بنفسو.

والارجح انو بلش يشتغل لوحدو. وبعدين، شوي شوي جمع حولو فرقا من العمال ودرب افراد ع الاعمال الصناعيي والعمرانيي. وهـ العمال سمون السكالبي وكلمة البناء السيكلوبي الل بعدن عميستعملوا لليوم مأخودي من اسمن.

ترى منين اجا اسم السكالبي؟

برأينا انو سيكلوب هو اسم جد السيكلوبيين او السكالبي الأوّل. ويمكن يكون هو هو اسكولاب- أشمون بزاتو. ولمحنا كيف، ببعض الأحيان، دمجو أشمون- أسكولاب بهفيستوس ع عتبارو واحد من الكبيريم ولاد صديق بحسب سنخوني اتن (وصديق، متلما برهنا، هو ع الارجح ملكي صادق م غيرو)، وع عتبارو انو هفيستوس كانو يعدوه هو كمان متلما قلنا بي الكبيريم الل زكرناهن واشمون- اسكولاب كان، متلما منعرف، اله طب. وكان حيوان عيلتو الكلب الل عطاه اسمو (من هون جايي تسماية نهر الكلب) وكـ طبيب كانو يرمزولو بـ حيتين متقابلين وهـ الشي بيشرح أشيا كتيري، منا انو كهنة هفيستوس كانو يشفو الناس من عقصة الحيي ويكرسو الكلاب للكبيريم بـ هيكل هفيستوس بجزيرة لمنوس.

والدكتيل الايدين هن كمان رفاق فولكان هفيستوس ويمكن ولادو.

والدكتيل الايدين نعرفو بانن رفاق فولكان. وبرأي بعض العلما، متل ولكر الكبيريم الل منعتبرن ولاد هفيستوس والدكتيل الايدين البتحكي عنن قصيدة "الفوروبيد". وبيجيب فرسيد الفينيقي جماعة الدكتيل من بلاد الشرق، مطرح ما اجو آلهة لمنوس، وبيسمين اسامي الا علاقا بصناعا المعادن: سلمس هوي "البيدوّب"، ودمنامينوس، بيعني "الشاكوش" او "المطرقا"، واكون بيعني "السدان". والأرجح انو هـ الاشخاص هني العطو اسامين- متلما هي العادي بـ فينيقيا- لهـ الادوات والعمليات. وبيحكي ننوزّ عن كبيريم لمنوس وبيعمل منن أبطال شغلن التعدين ومساعدة بيّن بمصانع حدادة الاتنا.

ودمجو اسم هفيستوس بالها صناعيين تانيين منن الساتير والسيلين أخوة كداليون ورفاق هفيستوس.

العروف انو الساتير كانو يشكلو جوقا من أتباع ديونيزيوس بلشو يمسّلون بشكل انسان نصو التحتاني حصان او تيس (وصرنا نعرف انو الفينيقيي كانو يرمزو لكل بطل مأله بالحيوان الل بخصو) بعدين شوي وشوي مسلون بشكل بشري. ونعرف مارسياس، أشهر سيلين، بانو كان موسيقىي، بينما اخوتو، ومنن كداليون، كانو صنايعيي. ونعرفت ساتيريا يرمزو لكل بطل مأله بالحيوان الل بيخصو) بعدين شوي وشوي مسلون بشكل بشري. ونعرف مارسياس، أشهر سيلين، بانو كان موسيقي، بينما أخوتو، ومنن كداليون، كانو صنايعيي. ونعرفت ساتيريا، بنت مينوس ملك كريت المتحدرا من أوروب أخت قدموس، بانا أشهر ساتيرا.

ومنعرف كمان انو السيلين هن هن الساتير وقت اللي بيختبرو بس بالاصل، اسم سيلين كان اسم مربي ديونيزيوس وابن بان، يعني حفيد هرمس او ابن هرمس، ويمكن ابن اورانوس. وبيقولو عن هـ السيلين انو كان حكيم كتير وشاطر بفنون كتيري منا فن الغنا، وانو كان بي السنتور فولوس ويمكن بي ابولون نوميوس. ع كل حال، مبين من هـ القصص المشربكي انو السيلين المزكور هو نبيل فينيقي من اللي عاشو بعصر تور- ايل.

وبما انو كان متعدد المواهب، بدو يكون برع بفنون صناعيي وهـ الشي قربو من هفيستوس- فولكان.ويمكن يكون خي لكيداليون الل نعرف ببعض الاساطير بانو بي هفيستوس وباساطير تانيي بانو معلمو بفنون الصناعا او واحد من تلاميزو الل طلب منو يدل اوريون، الجبار الاعمى ابن صيدون (العاطي اسمو لمجموعة نجوم) ع الشمس الشارقا بعدما شفنا اغلب الاساطير الل بـ ميتولوجيات الاغارقا والرومان، ولاحظنا، متل كل مرا، انا مشربكي ومتناقضا وألفنا هـ الشي البيفسر وبعدا الزمني او المكاني وخصوصن انو آلها كتيري بتحمل نفس الاسم، او انو الاله الواحد بيحمل اسامي كتيري، وبيفسرو حوادس وطوارئ بتبدل وبتحور بالاشيا، صار لازم نرجع لدراسة هفيستوس كـ عظيم بين العظما الل حتلو العالم، ومدنوه انطلاقن من لبنان، بفجر التاريخ- بعصر تور- ايل.

فولكان- هفيستوس، العبقري المتعدد المواهب

بتوصفو الميتولوجيات الاغريقيي والرومانيي كواحد من الالها العظما المتعددين المواهب. ووصفا الو مطابق للي نحكى عنو بـ ملاحم أوغاريت من جها ومن جها بـ نصوص سنخوني أتن. شو بتفيدنا عن عبقريتو هـ النصوص المجتمعا؟

أ‌- فولكان، معمار كبير حلاق خلاق، وكمان أول معمار بيزكرو التاريخ.

هـ الشي منعرفو من جها من نصوص أوغاريت ومن جها من نصوص الاغارقا. نصوص اوغاريت بتفرجينا الملك- ايل- اللي بتزبطو بـ فولكان صلة قرابي، متلما قلنا، وخصوصن انو رئيسو- بيبعتلوى ع مصر، "مملكتو وارض ميراسو"، ليجي يعمر القصور والهياكل. وبيبلش هاين (فولك- هاين) بالعمار. وبعدين منشوفو عميتحاور مع صحاب الهياكل. بيعرض ع البعل هدد فتح شباك بنص الهيكل، ما بيقبل البعل الاول، وبعدين بيعمل متلما بدو المعمار. وبيدلنا. هـ الشي على انو هاين خلاق: بيكتشف أشيا جديدي هو وعميتمم كل عملية بنا ما كانت مألوفي قبل.