ز- الاشعاع الفكري اللبناني بيغزي أوروبا: لغة البلاد هي اللبنانيي المعروفي وقتها بالسريانيي بس بيتدرسو معها لغات حضاريي.- عيشة اللبنانيي كلن سوا طابعها المحبي والانسجام.- "المجمع اللبناني" بيعلن الأخوّي والمساواة والحريي قبل السورا الفرنساويي بنص قرن (1736).- مطبعة دير قزحيا (1610) بتطبع بـ4 لغات، بس (بوحي فخر الدين) ما بتستعمل الحرف العربي.- الانفتاح ع المرسلين اللي بيساعدو ع نشر العلم والمعرفي.- فخر الدين بيجمع حولو كل الموهوبين من مفكرين وشعرا وعلما وفنيّين- مدرسة الموارني بروما بتخرّج عباقرا كبار.- اللبنانيي بيترأسو جامعات أوروبيي.- أعلام من لبنان: الحاقلاني، الدويهي، الحصروني، الصهيوني، عميرا، الشدراوي، السماعني...- الأمير اللي "تلاّ إسمو آسيا وأوروبا"، بيرفع إسم لبنان عالي وبينكتب عنّو وعن لبنان أحلى. الكتب.- ( "الـ4 فخر الدينات" لـ هاملتن.- "الجغرافيا المقدسي" لبوشار)- ورشة العمران بتبقى حوالي ربع قرن من وقت رجعة المير لحد غياب شمسو.

5- اللي ما رح ينتهي.

أ‌- الدولي العسمانيي بتجمع كل قواتا لتغلب فخر الدين.

ب‌- فخر الدين بيتحصن بقلعة نيحا. بينئسر سنة 1635، وبيقبل يروح ع سطنبول ع شرط يتعامل معاملي تليق بالملوك.- بينتقل بعد شهرين من أسرو: السبب الظاهري: الأمير مسيحي السبب الحقيقي: الأمير زعزع أركان السلطني.

ج- أوروبا بتتحرك لتخلّص فخر الدين اللي حمل لواء المدنيي بالمشرق

الخلاصا: ازا كان التالايخ بيتحدّد بأنو دراسة الماضي لاخذ عبرا لبناء المستقبل بيكون تاريخ فخر الدين أعظم متيلي لبنا الأوطان.

الفصل الثامن

لبنان الما بدّو يموت

مقدّمي: بعد ما غاب نجم فخر الدين، حاولت السلطني تمحي لبنان نهائيّن عن الخارطا، باعتبارو مركز انطلاق لكل الحركات التحرّريي بالشرق وحواليه. ولهيك اخدت اجراءات مهمي، منها إنا نقّت رجال حكم خرج بس يكونو عملا.

- دول أوروبا، من جهتا، بتبلّش تصميم شو رح تكون حصّتا من ورته "الرجل المريض": فرنسا بتنقّى "لبنان الطبيعي" وبتحّددو شرقن لما بعد الفرات. وبتصمّم هيي كمان، إنا تمحي إسم لبنان من التداول باعتبار مجرّد بقاءو بيشكل منطلق للانتفاضات التحرّريي بالمنطقا. ولهيك ما منلاقي زكر للبنان لا بالمراسلات الفرنساويي السياسيي ولا بالكتابات الفرنساويي السياسيي ولا بالكتابات الفرنساويي بعد عصر فخر الدين الا كملحق او كجزء من سوريا.

1- غياب وج فخر الدين بيترك القلق والاضطهاد والفوضى.

أ‌- عن إنو خلفاؤو المعنيين بيجربو متابعة مسيرتو، بس ارادات عسمانيي بترجع لبنان لعهد الاقطاع بقصد تقسيمو لأجزاء متناحرا بحسب مبدأ "فرّق بتسود".

ب‌- العسمانيي بيرجّعو صيدا ولايي تتجسّس ع اللبنانيي

ج- الحكم بينتقل لبشير الشهابي ابن اخت احمد، آخر المعنيين، ومن بعدو لحيدر الشهابي ابن بنت احمد وملحم ابن حيدر وليوسف اين ملحم.

د-بيجرّبو هـ الامرا استرجاع وحدة "لبنان الجغرافي"، مرات بينجحو ومرات لأ. بس بيحافظو نسبين ع حرية الجبل واستقلالو.

هـ - بعهد يوسف الشهابي بيبرز، بعكا سنة 1737 ضاهر العمر وبيبسط حكمو ع نواحي صور- بيتغلب عليه عبد واطي مجرم هو أحمد الجزار، اللي نعطى ولاية صيدا وقدر بدهاؤؤ يمد سلطتو ع سوريا ويتغلّب ع الاحزاب اللبنانيي واحد ورا التاني.

و- المير يوسف الشهابي بيقرّر محاربة الجزار، بس بينغلب بمعركة قب الياس سنة 1788. بشير بيمألق الجزتر وبيخليه يطلب من اللبنانيي إنن ينتخبو إلو هو بشير حاكم علين- الجزار بيقوي بعد ما قدر بمعاونة الاسطول البريطاني، يصدّ بونابرت بعكا.

ح- الدول الاوروبيي اللي ما ساعدت فخر الدين ع كسر شوكة العسمني بتلعب دور "الأم الحنون" مع لبنان.

ط- وضع الاقتصاد والسقافي صدى وامتداد مش تصاعدي أو ضعنا بعهد فخر الدين.

2- تحت كل سقف سورا.

-بشير التاني (1788-1840) بيحكم لبنان أكتر من نص قرن وبيسجّل تكسي.

أ- بيشتغل لهدف واحد: إنو يبقى بالحكم. ولهيك سمّو سياستو "سياسة الانتظار والترقب"- خسارة بونابرت متلن بتخليه يخضع للسلطان العسماني.

ب-أمير ع غير لبنان: خنوع بشير بيرضي السلطان- بيعيّنو حاكم ع "جبل الدروز ووادي التيم وبلاد بعلبك والبقاع وجبل عامل ومنطقة جبيل"- "منلاحظ إنو كلمة لبنان نمحت وحلّت محلها هـ الالقاب، وبشير عترض- نتركّز غنو فخر الدين رفض تسميته لبنان "عربستان" وبقي يمضي "أمير لبنان" أو "أمير فينيقيا".

ج-بشير بيسبّت حكمو بقتل اللي بينافسوه.متلن:ولاد المير يوسف، اللي كان قوقرلن عيونن. كان شرس وما بيرحم وحكمو عشايري.

د-الاغراب بيتوافدو لعنّا وما بيوقف بوجنّ: حدود لبنان سايبي.

هـ - كل حروبو لخدمة حالو: ما سجل حرب واحدي لتحري لبنان: بيلعب ورقة المأمول يغلب وبيمشي معو. لهيك بيحارب مرّا مع الأتراك ومرّا ضدّن. ولمن بيخسّرو ورقتو معن بيلجأ لغيرن: محمد علي...

و-بيغرض ضرايب ما بتنحمل بتسبّب الفقر والهجرا.

ز-تفجّر السورات البيسموا "عاميّات": بتشمل كل اللبنانيي بدون استسنا بتبلّش سنة 1820، تمام بعد ربع قرن من تولّيه الحكم. بيلجأ لمحمد علي تيوطدّلو حكمو عند السلطني، وبعد أن للبنان.

ح- بيتحالف مع محمد علي اللي كان متأمل إنو يولّيه السلطان العسماني ع "صوريا". بيحارب مع ابراهيم ابن محمد علي، تيساعدو ع اخذ عكا وطرابلس وحمص ودمشق بدل ما يجرّب يسترجعن ويردّن للبنان متلما عمل فخر الدين.

ط-بشير وابراهيم: نيرونين بيحرقو لبنان. براهيم بيتصرّف، بالاتفاق مع بشير، متل كانو علقا بتمص دم لبنان. بيرفع الضرايب 3 مرات. بيصير ضيق فوق الوصف. بيحتكر المصنوعات: الحرير، الصابون. بيجرّد الناس من السلاح. بيفرض الخدمي العسكريي لصالح محمد علي. بيسخّر اللبنانيي للشغل بالمناجم. ابراهيم بيفقّر لبنان: بيقطع سجر حرش بيروت لصنع سفنو... "بيعمل من لبنان سلعا".

ي-بشير بيحاول يستغل الله. علاقتو بالاديان، علاقة العبان.

ك- السورا بتعم لبنان وبيحاربا ابراهبم بسلاح الطائفيي: بيعطي فئا وقسم من زويعمينا شوية حقوق من الل ما كانت الن من قبل وبيكسب عطفن- بيجنّد 9 آلاف جندي منن لمحاربة فئا تانيي.

الحصيلي: 15 ألف قتيل وجريح من الفئا التانيي بجوران- وهيك بيبدر بدار المدابح الرح تنفجر سنة الـ 60.- لبنان الحقيقي بيضل عينو ع ابراهيم وحليفو بشير.

ل- بـ "عامية انطلياس" سنة 1840 اللي بتشكل زرّوة السورات المتتاليي اللي عمّت لبنان بعهد بشير، بيحلفو ممسلين اللبنانيي كلن إنن رح "يحاربو لحد انن يستردّو استقلالن أو يموتو".

م- بشير، بمعاونة ابراهيم وحليفتو فرنسا، بيحاول قمع السورا بهمجيي: اللبنانيي مع إنن عميحاربو بسلاح عتيق، بيفنو تلتين جيش ابراهيم، اللي كان يعد 150 الف وبيجبرو بشير إنو يستقيل.

ن- محمد علي بيصرخ: "الدول الاوروربيي حاطتن بجيبتي، بس ما حدن قتلني الا هـ الجبل".

هـ لبنان الجوهر بيتابع مسيرتو: وهو عميتصارع مع لبان العرضي اللي حاكمو بشير بفوضى.- محبة اللبنانيي لبعض- الضيافي- الاخلاق- متابعة نشر التعليم والكفاح للمحافظا ع حياة اقتصاديي وثقافيي إلا مستوى –لبنان رغم انحطاط حاكمو بيسلك طريق الحضارا. تأسيس معاهد ومدارس خاصا بتكمّل اليقظا الفكريي: معهد اللاهوت بعين ورقا بيتحوّل لمعهد عالي بيدرّس عدة لغات- الارساليات الفرنساويي والانجليزيي بتلحقا الارساليات الاميركانيي.