وعي بانو السورات السياسي الحقيقيي ما بتقدر تكون الا بنت السورات الفكريي. هوي ورفقاتو بيشتغلو لتحويل الكلمي لسيف من أجل تحرير لبنان من الانتداب ومن كل استعمار فكري، ولتبليشة حركة إبداع تحارب "لبنان همزة الوصل" و"لبنان الملتقى" واستبدالو بلبنان وطن تنين: عنفوان وإبداع.
1- الكانو جوّات الحكم ما قدرو يتجاوبو مع الهن برّا
أهل الفكر بيقدرو يوصلو بس واحد ع المجلس وواحد ع الوزارا: الاول شاعر ومفكّر موسوعي واقتصادي، بس متواضع باسم الطموح باسم لبنان، التاني رجل رؤيا وطموح باسم لبنان عظيم بس مش قادر يتخلصمن تنبّه النفعيين لخطر وعلين إزا نجح. شاعرية الاول خلتّو يرسم مخطذط دستوري وإقتصادي شريف بس مش كافي لانتزاع النصر ضد جماعة المنافع. طموح التاني باسم لبنان عظيم خلاّه يبيّن متل كأنو مش عملي مع إنو الكلمتين عملي ونظري خلقن سوا فيلسوف واحد هو أفلاطون تيدعمو بعضن.
هادا كل شي قدر لبنان الفكر يوصّل ع المراكز المفاتيح.
2- لبنان برّات الحكم
بيتكوكب بجمهرة شعرا وفلاسفي وإدبا إلن مكاني عالميي: فرنسا بتضل عشرات السنين تلعب مرسحيي لشاعر لبناني، بينما بتبلّش بلبنان نهضة الشعر الحقيقي ع إيدين شعرا كتبو بلغات متعدّدي- نا ضجين سقافي بسبب سحر كلمتن نقال إنو ما حدا كتب بأجمل ممّا كتبو لبنانيي.
- مفكّر كلمتو أروع من الشعر بيغزّي الولايات المتحدي وبيسجّل واحد من كتبو إنو الاوسع إنتشار- فيلسوف لبناني بيكون بي فلاسفة مصر- مفكر لبناني رصين الاحمرار بيكتب أجمل الكتب السياسيي. وولدت حد هـ الحركي الفكريي حركات مماسلي بالنحت والتصوير والموسيقا والعلم.
3- محاولة النهضا بكل شي:
أ- بداية نضال سياسي وفكري رح تقلب كل المفاهيم: باللاهوت، بالفلسفي، بالسياسي، بالحرف واللغا، بكتابة التاريخ، بالشعر وبكل غيرو من أنواع الأدب.
بدايتا خطاب نلفظ بـ 14 تموز سنة 1925 بيقول بمناسبة زكرى السورا الفرنساويي كيف كانت سورة فرنسا سطحيي وبيطالب بتحرير لبنان من الانتداب.
ب- سنة 1930 ولادة نظريي حول الحرف واللغا بتقول إنا منقدر بسورتين: الرجعا للأصول الأبجديي نقوّي المنطق عند الجماعات، وبتحديس اللغا نسرّع الزمان- نضال بهـ الموضوع ستغرق عشرات السنين: مقالات بالجرايد، كتب، وضع مخططات لبدء الكتابي باللغا اللبنانيي وبالحرف اللبناني (يعنب اللاتيني الممنطق).
ج- سنة 1933 المطالبي بالتجنيد الاجباري، وبضرورة التخلّص من الانتداب وبخلق صحافي لبنانيي تتزعّم الدعوى للنهضا- زرع بزور البطولي والحماس للقيم الفريدي اللي خلقا لبنان من أول التاريخ- الدعوي لتحرير العقل اللبناني من عبودية الشرق والغرب –خطاب سنة 1935 عن الحريي بتعتبرو سلطات الانتداب خطر عليها وبتزج صاحبو بالحبس بس بيسيرو إدبا العاصمي بيتدخلو مع المفوّض السامي لاخراج السجين- سنة 1937 مقدّمي لكتاب بتزرع بزور الجماليي- سنة 1934 مقدمة كتاب بيعتبروا النقاد "دستور لبنان".
وهيك من برّات الحكم بيبلش بلبنان الشغل للبنان العظيم.
الفصل الرابع
لبنان والحرب العالميي التانيي
أ- بعد حالة ركود، المفوّض السامي الفرنساوي كبريال بيو يعلن سنة 1939 الاحكام العرفيي، وبيعلق الدستور وبيحل المجلس النيابيز
ب- سنة 1940 بيعلن القايد ممسّل فرنسا بلبنان، البأيدو مصائر سياسة لبنان، ولاؤو لحكومة فيشي. وهيك بينهي الحرب بالنسبي للبنان ضد إلمانيا وإيطاليا.
ج- حملي عسكريي إنكليزيي بتعاونا جيوش ديغوليي بتزيح من سرايات لبنان السلطات الموالية لحكومة فيشي.
د- إلحاق لبنان بالقيادي البريطانيي للشرق الاوسط وبعدها بمنطقة التجارا البريطانيي، الشي البيجنب لبنان ويلات متل ويلات الحرب العالميي الاولي- لبنان بيستفيد من ضرورة توفير الطعام لجيوش الشرق تيبلش نوع من زدهار إقتصادي.
الفصل الخامس
التأخر المطبق وتدخل رجل الفكر
- سنة 1952 انتخاب رئيس جمهوريي بعد إرغام رئيس جمهوريي ع الاستقالي.
- إنتظار الشعب إنو توقع سورا إجتماعيي شاملي. بس عبس.
- خطايا التصرف بالاستقلال بتجر وراها زيول وخيمي وأخطاء عديدي.
- رجل الفكر بيتابع حملاتو ع الحكام وبيندّد بغلطاتن وبيشدّد ع إنها بالاساس نتيجة نعت لبنان بإنو عربي.
- باستسناء قانون منح المرا حقوقها السياسي سنة 1953، كل القوانين البتصدر بتمسّل خيانات لرقي لبنان.
- لأنو الفمر هو الاساس مندرس الخيانات اللي بحق الفكر.
1- تفريغ العقل اللبناني من الله ولبنان والحضارا.
معلوم إنو المدرسي هي مركز لتهيئة العقل للتفكير ولتملايتو بالمعرفي. فيها بيتعلم شو غزاء روحو، وشو هي الاطارات اللي بتعرفو ع الخلقيي وع الوطن وع العلم. من هون أهمية شو تون المناهج التربويي.
أ- لمحا تاريخيي عن المناهج:
أول مناهج تربويي بتصدر سنة 1929 وسنة 1930. وبتتاخذ كلا تقريبن من مناهج ارساليي أجنبيي شهيرا. تدريس هـ الارساليي كان يعتمد مناهج التدريس الفرنساويي الصادرا بتأسير من السورا الفرنساويي. لهيك قال "تنضّف" التعليم من الله. بالانسانيات (وهادا الشي المهم) علمت هـ المناهج اللبنانيي الادب الفرنساويي وبمقابيلو الادب العربي، بدل ما تعلم تنين: تراس لبنان بحيس إلو قيمي بزاتو، والتراس العالمي المتمسّل بأدب عدد من البلدان الراقيي. ونفرضت هـ المناهج ع كل المدارس. وبعد الاستقلال مش رح يحل العالم محل فرنسا، كل شي رح يصير إنو يجوز للتلميز يا بيتفرنس يا بيتأنكلز..
وهادا مش لأنو شكسبير بيساوي راسين، لأ، هادا لأنو انكلترا صارت تنافس فرنسا ع النفوز بلبنان.
ب- المناهج بنخالف المنطق والتعليم والتربيي.
بكل بلدان العالم بيدرسو الناس تراسن بالاول، حتى ولو كان ضعيف، وبيدرسو معو شي من التراس العالمي. بلبنان صارت المدرسي عبدي متأسرا برجل السياسي العبدز وهيك رضت المناهج كل شي الا تنين: لبنان العظيم والانفتاح على العالم الممسّل بالبلدان القوية الحضارا.
ج- مناهجنا بتطرد لبنان من المدرسي.
بتدرّس العرب بصورا خاصان وهيك بتخلّي التلميز يستهدي بضو ما حول العلم (الباراسيانس). علم الالكيميا متلن بدل الكيميا.
د- مناهجنا بتطرد لبنان من المدرسي.
بتحوّل أنظار اللبنانيي عن لبنان وبتشدهن لغرب وشرقن غرب باهت وشرق م شي. وبهيك بيضعف لبنان تجاه إيديولوجيات غريبي عنو وما إلا قيمي ولقلّة مضاربتها ع الابداع بتحمل النفس اللبنانيي وبتنزل.
هـ - مناهجنا بتطرد الله من المدرسي.
بتدرّس أدب فرنسا ما بعد السورا، هـ الادب، بيحط بين إيدين ولادنا بضاعا فكريي خاليي من الله.
